टोकियो । टोकियोमा भोलि आइतबार सातौं जापानी भाषा वक्तित्वकला प्रतियोगिता हुँदै

विशेषगरी जापानी भाषा विदेशीहरुका लागि गाह्रो भाषा हो तर, टोकियोमा ११ जना नेपाली विधार्थी जापानी भाषामा बोलेर प्रतिस्पर्धा गर्दैछन् । ‘जापानमा विद्यार्थी जीवनको अनुभव, जापानमा आएपछि भोगेको अविस्मरणीय क्षण, अति मनपर्ने ओकिनावा, बाल शिक्षक बन्ने लक्ष्य, प्रेरणा, मिहिनेत गरौँ, साधारण सौन्दर्य शास्त्र, जापानीहरूको सुन्दर मन लगायत शीर्षकमा जापानी भाषामा ११ नेपाली विधार्थी बोल्नेछन् ।

टोकियोको रिस्योउ बिश्वबिधालयको हलमा आयोजना हुन लागेको सातौँ जापानी भाषा वक्तृत्वकलाका प्रतिस्पर्धिले आ-आफ्नो प्रस्तुति राख्न लागेका हुन् ।आइतबार हुन लागेको जापानी भाषा वक्तृत्वकला प्रतियोगिताको तयारी सकिएको जानकारी आयोजकका तर्फबाट जिज्ञान कुमार थापाले जानकारी गराउनु भएको छ ।

जापानमा बस्ने जापानी भाषामा अब्बल १९ जना नेपालीहरुको समूह नेपाल जापान अध्ययन केन्द्र नेपाकेनले आयोजना गरेको प्रतियोगितामा ११ जना विधार्थी अन्तिम चरणमा प्रतिस्पर्धा गर्नेछन् । प्रचार प्रसार संयोजक राजेन्द्र पौडेलका अनुसार अन्तिम तयारी सकिएको बताएका छन् । प्रतियोगितामा प्रथम पुरस्कार ५० हजार, द्वितीय ३० हजार र तृतीयले २० हजार येन पाउनेछन् । नेपाकेनको आयोजनामा हरेक वर्ष हुँदै आएको प्रतियोगिताको यो सातौँ पटक हो ।