चितवन धमाका २ जापानको तयारी पुरा
चितवन धमाका २ जापानको तयारी पुरा
December 31, 2017चितवन धमाका २ जापानको तयारी पुरा
जापानमा रहेका नेपालीहरुमा भैपरी आउने समस्यामा सहायता गर्ने हेतुले “आपतकालिन अक्षयकोष स्थापनार्थ” चितवन समाज जापानले यहि जनवरी ३ बुधवार टोकियोमा कार्यक्रम गर्न लागेको छ। कार्यक्रम डिसेम्वर ३१ मा नागोया र जनवरी १ तारिकमा ओशाकामा पनि हुने समाजका प्रवक्ता बाशुदेव लामिछानेले जानकारी गराउनुभएको छ ।
टोकियोमा हुने कार्यक्रमको संयोजन इस्वरी प्रसाद कडेल, ओशाकामा हुने कार्यक्रमको संयोजन अनुप पौडेल र नागोयामा हुने कार्यक्रमको संयोजन रामु खरेलले गर्नु भएको छ । टिकट ब्यबस्थापन तथा कार्यक्रमको आर्थिक पारदर्शीतालाइ प्रभाबकारी बनाउनका निमित्त समाजका पदाधिकारीहरुलाइ जिम्मेवारी तोकेको छ भने कार्यक्रमलाई सभ्य र सुरक्षित तवरले सम्पन्न गर्न विभिन्न उपसमिति गठन गरीएको थियो ।
परोपकारी उदेश्यले आयोजना गरिएको कार्यक्रममा सबै एकजुट हुन आग्रह गर्दै चितवन धमाका २ अन्तरगतका कार्यकममा आफु लाइ सहज हुने स्थानहरुमा उपस्थित जनाई सफल पारिदिनु हुन सम्पूर्ण जापानबासि नेपालीहरुमा समाजका अध्यक्ष राजन कुमार श्रेष्ठले आग्रह गर्नु भएको छ ।
३ स्थानकै कार्यक्रममा लोक तथा आधुनिक गायक रमेशराज भट्टराई, कमेडियन राजा राजेन्द्र पोखरेल, लोक गायिका शान्ति सुनार र डान्सर रिना थापा मगरको प्रस्तुति रहने छ ।
यस बाहेक टोकियोमा हुने कार्यक्रममा पप गायक कमल खत्री र ओशाकामा हुने कार्यक्रममा नेपाल आईडलका सागर आलेको प्रस्तुति रहनेछ । कार्यक्रमकको सम्पुर्ण तयारी पुरा भैईसकेको समाजका महासचिव हरिश्चन्द्र पौडेलले जानकारी दिनुभयो ।